யூசுப் (அலை) - ஜாஹிலிய்யா அமைப்பில் பணியாற்றினாரா - முழுமையான விளக்கம்

ஜாஹிலிய்யா - இஸ்லாம் அல்லாத - அமைப்போடு ஒத்தாசை செய்வதைப்பற்றி பேசும்போது அண்ணல் யூசுப் (அலை) அவர்களுடைய எகிப்து வாழ்க்கை ஆதாரமாக காட்டப்படுகின்றது. உண்மையில் இது ஆதாரம் அல்ல, ஆதாயம் ஆகும். தங்களுடைய சிந்தனை செயல்பாடுகளுக்கு ஆதாயமாக இதை பயன்படுத்திக் கொள்கிறார்கள். இந்த பிரச்சனையை கொண்டு போய் போற்றுதலுக்குரிய இறைத்தூதரின் நிகழ்ச்சியோடு இணைப்பது அறியாமையின் வெளிப்பாடு ஆகும்! தங்களுடைய நிலைப்பாட்டுக்கு ஆதாரமாக அண்ணல் யூஸீஃபின் வரலாற்றை சுட்டிக்காட்ட அவர்கள் நினைத்தால் மூன்று விஷயங்கள் நிருபிக்கப்பட வேண்டும்.
1)அண்ணல் யூசுஃப் முழுமையான ஆட்சி அதிகாரத்தைப் , பகுதி அதிகாரத்தையே பெற்றிருந்தார்.
2)அதிகாரத்தில் அமரும் போது அவர் இறைத்தூதராக ஆக்கப்பட்டு விட்டிருந்தார்.
3)அந்நிகழ்வின் போது எகிப்திய மன்னர் முஸ்லிமாக இல்லை.

இம்மூன்றையும் நீருபிக்க முடியாது என்பது ஒரு புறமிருக்க நடந்த உண்மை இதற்கு நேர்மாறாகத்தான் உள்ளது. இங்கு இன்னொரு முக்கியமான விதியைப் பற்றி முதலில் தெரிந்து கொள்வோம். ஷரீஆ பிரச்சனையில் அலசி ஆராய்வதெற்கென்று ஒரு நியதி நெறிமுறை உள்ளது.
எப்போதும்
1)மூலத்திலிருந்து சார்பையும் (Branch from Root)
2)நிர்ணயிக்கப்பட்டதிலிருந்து புரிந்து கொண்டதையும் (Under stood from Fixed and determined)
3)தெளிவான வரையறுக்கப்பட்டதிலிருந்து பொதுமையையும் (General Concept From Described)
4)விளக்கமானதிலிருந்து விளங்காததையும் (Obscure from Clear)
5)துல்லியமானவற்றிலிருந்து சந்தேகத்திற்கிடமானதையும் (obscure from firmed) அடையவேண்டும்.

அதாவது முதலாவதாக கூறப்பட்டவைகளிருந்துதான் இரண்டாவதாக கூறப்பட்டவைகளை புரிந்து கொள்ள வேண்டும். ஒரு விஷயத்தைப் பற்றி துல்லியமான விளக்கமான சட்டங்கள் இருக்கும் போதுமான பொதுமைப் பண்புடைய வசனங்களிலிருந்து அல்லது நபிமொழிகளிலிருந்து கிடைக்கும் குறியீடுகள் மூலமாக அவ்விஷயத்தைப் பற்றிய கண்ணோட்டத்தை வகுக்க நினைப்பது அறிவுக்கு தவறான நடைமுறையாகும்!. உம்மத்தின் வரலாற்றில் பாரதூரமான விளைவுகளை ஏற்படுத்திய கருத்து வேறுபாடுகள், முரண்பாடுகளை நீங்கள் அலசி ஆராய்ந்து பார்த்திர்கள் என்றால் அபாயகரமான அந்த ஃபித்னாக்களுக்கு எல்லாம் அடிப்படைக் காரணமாக தவறான இந்த சிந்தனையே விளங்கி வந்துள்ளதைக் காணலாம். இறைவனின் யாவற்றையும் தெளிவாக விளக்கவந்த கையேடு என தன்னைப்பற்றி அறிவித்துக்கொண்டே உள்ளது.ஆனாலும் நிலை தடுமாறிய உள்ளங்கள் அதன் பக்கம் கவனம் செலுத்துவதே இல்லை! துல்லியமான கட்டளைகள் இருந்தபோதும் பொதுமைப் பண்புடைய நபிமொழிகளையே இவர்கள் நாடிச்சென்றனர். புதுப்புது கருத்துகளை சிந்தனைகளை தீனின் பெயரால் கண்டுபிடிக்கத் தொடங்கினர்.வான்மறைக் குர்ஆனின் சில வசனங்களிலிருந்து தமக்குத் தேவையான விருப்பமான ஒரு கருத்து கிடைத்து விட்டால் அதன் பின்பு அப்பிரச்சனையைப் பற்றி தெளிவான துல்லியமான கருத்தைத் தெரிவிக்கும் வசனங்களின் பக்கம் முகம் திரும்பி வந்தனர்.(சொல்லப் போனால் இத்தகைய வசனங்களை ஆராய்ந்து தான் அப்பிரச்சனையைப் பற்றி முடிவையே எடுக்கவேண்டும்) அதன் பின்பு அத்தெளிவான வசனங்களைப் பார்த்த பின்பாவது தாங்கள் கண்டெடுத்த முடிவுகள் தவறானவை என்று விளங்கி திருத்திக் கொண்டார்களா? என்றால் அதுதான் இல்லை! தங்கள் முடிவுகளையே சரி என வாதிட்டு அத்தெளிவான வசனங்களில் கைவைத்து திரிக்கும் கைங்கரியத்தைச் செய்யலாயினர் உருக்குக்கத்தியினால் வெட்டிச் செதுக்கி தமக்குத் தோதான வகையில் தம்முடைய வாதத்திற்கு எற்ப அவ்வசனங்களை வார்த்தெடுத்தனர் பரிதாபத்துக்குரிய மிகவும் வருந்ததக்க விஷயம் தான் இது! ஆனால் என்ன செய்ய? இது தானே நடந்துவந்திருக்கினறது.

தெளிவான திட்டவட்டமான மார்க்கச்சட்டங்களை பின்னுக்குத்தள்ளி குறியிடுகள் சைகைளை தமக்கு முன்னால் பரப்பி வைத்துக் கொண்டனர்.பிறகு தமது விருப்பங்களுக்கு எற்றவாறு தோதான தத்துவங்களை கருத்துக்களை கண்டுபிடிக்கலாயினர்.பின்பு அவற்றை குர்ஆனோடு இணைக்கத் தொடங்கினர்! இப்பரிதாபகரமான நிலையின் இக்கோணல் சிந்தனையின் விளைவே இது! ஆனால் அமைதி சமாதானத்திற்கான பாதையோ இதற்குத் நேர் திசையில் செல்கின்றது! இந்நெறிமுறையை மனதில் கொண்டு இனி அண்ணல் யூஸ{ஃப் (அலை) எகிப்தில் பணியாற்றிய பிரச்சனையை ஆராயுங்கள்.

(அ)இஸ்லாம் அல்லாத இஸ்லாமிற்குப் புறம்பான குஃப்ரு மற்றும் ஜாஹிலிய்யத் அமைப்புக்கு ஒத்துழைக்கலாமா? கூடாதா? ஒத்தாசை செய்யலாமா? கூடாதா? என்பது குறித்த தெளிவான துல்லியமான விளக்கமான சட்டங்கள் உள்ளன! எடுத்துகாட்டாக
குற்றத்திற்கோ வரம்பு மீறலுக்கோ ஒரு போதும் துணை சென்று விடாதீர்கள் (அல்-குர்ஆன் 5:2 )
நன்மையை ஏவு தீமையை தடுத்து நிறுத்து! (அல்- குர்ஆன் 31:18 )தாஃகூத்தை முற்றிலும் நிராகரிக்க வேண்டும் என்று தான் அவர்களுக்கு கட்டளையிடப்பட்டிருந்தது! (அல்- குர்ஆன் 4:60 )
ஆட்சி அதிகாரம் அனைத்தும் அல்லாஹ் ஒருவனுக்கே! (அல்- குர்ஆன் 12:40 )
அல்லாஹ் இறக்கி அருளாத சட்டங்களை கொண்டு தீர்ப்பளிப்பவர்கள் நிச்சயமாக நிராகரிப்பவர்களே! (அல்- குர்ஆன் 5:44 )
உங்கள் இறைவனிடமிருந்து உங்களுக்கு இறக்கியருளப்பட்டதையே பின்பற்றுங்கள் அவனை விட்டுவிட்டு மற்றவர்களைப் பின்பற்றாதிர்கள்! (அல்- குர்ஆன் 7:3 )
நேர்வழியைக் கொண்டும் சத்தியமார்க்கத்தை கொண்டும் அவனே தன் தூதரை அனுப்பிவைத்தான் மற்றெல்லா மார்க்கங்களை விடவும் அதுவே மேலோங்க வேண்டும் என்பதற்காக! (அல்- குர்ஆன் 61:9) யூதர்களையும், கிறிஸ்தவர்களையும் உங்களுடைய உற்ற தோழர்களாக ஆக்கிக் கொள்ளாதீர்கள் (அல்- குர்ஆன் 5:51 )
இறைநம்பிக்கையாளர்களை விட்டுவிட்டு இறைநிராகரிப்பாளர்களான காஃபிர்களை உங்களது உற்ற தோழர்களாக ஆக்கிக் கொள்ளாதிர்கள். (அல்- குர்ஆன் 4:144)
உற்ற தோழர்கள் என்றால் உங்களுக்கு அல்லாஹ்வும் அவனுடைய தூதரும் இறைநம்பிக்கையாளர்களும் தான். (அல்- குர்ஆன் 5:2)

உங்களில் யாரேனும் ஒருவர் தீயகாரியம் ஒன்றைக் கண்டால் அதனைத் தமது வலிமையைப் பயன்படுத்தி தடுத்து நிறுத்த வேண்டும்.அவ்வாறு முடியவில்லை என்றால் தமது நாவைக் கொண்டு தடுத்து நிறுத்த வேண்டும் அதுவும் முடியவில்லை என்றால் தம்முடைய உள்ளத்தால் அதனை வெறுத்து ஒதுக்க வேண்டும் என்று இறைத்தூதர் சல்லல்லாஹ(அலை) கூறியுள்ளார்கள்.
இறைவனுக்கு இணைவைக்கும் முஷ்ரிக்கீன்களின் நெருப்பிலிருந்து வெளிச்சத்தைப் பெற்றுக்கொள்ள முயற்ச்சிக்காதிர்கள் என்று இறைத்தூதர் சல்லல்லாஹ் அலை) கூறியுள்ளார்கள்.( நஸாயி, அஹ்மத்)
இறைவனுக்கு இணைவைக்கும் முஷ்ரிக்கீன்களினடயே தென்படுகின்ற முஸ்லிமிற்கும் எனக்கும் எந்தவொரு சம்பந்தமும் இல்லை என்று இறைத்தூதர் சல்லல்லாஹ{(அலை) கூறியுள்ளார்கள். (அபுதாவுது)

(ஆ) ஒரே ஒர் இறைவனை வழிபடுமாறு மக்களை அழைக்க வேண்டும் (அதாவது வணங்க வேண்டும் கீழ்படியவும் வேண்டும் இபாதத்தும் செய்ய வேண்டும் இதா அத்தும் செய்ய வேண்டும்.)அல்லாஹ்வினால் இறக்கியருளப்பட்ட தீனை (கொள்கை கோட்பாடுகள் வாழ்க்கைக் செயல்கள் என்று யாவற்றையும்) அல்லாஹ்வுடைய இந்தப்பூமியில் நிலைநாட்ட வேண்டும் என்ற நோக்கத்திற்காகத்தான் (விதிவிலக்கே இல்லாமல்) எல்லா நபிமார்களும் அனுப்பிவைக்கப்பட்டார்கள்.
அல்லாஹ்வை வணங்கி வழிபட்டுவறுமாறும் தாஃகூத்தை விட்டு முற்றிலும் விலகி இருக்குமாறும் (மக்களிடம் போதிப்பதற்காகத் தான்) ஒவ்வொரு சமுகத்திற்கும் நாம் இறைத்தூதர்களை அனுப்பிவைத்தோம்! (அல்- குர்ஆன் 16:36)
“தீனை நிலைநாட்டுங்கள் (அல்- குர்ஆன் 42:13)

(இ) அனைத்துத் தரப்பு மக்களும் பின்பற்றியே ஆக வேண்டியவர் என்பதுதான் அனைத்து இறைத்தூதர்களின் நிலையாக இருந்தது.
“அல்லாஹ்வின் அனுமதி –கட்டளையோடு தூதரைப் பின்பற்றியே ஆகவேண்டும் என்பதற்காக அன்றி வேறு எதற்காகவும் நாம் எந்தத் தூதரையும் அனுப்பவில்லை!”(அல்குர்ஆன் 4:64)இவ்விஷயங்களையெல்லாம் கருத்தில் கொண்டு அண்ணல் யூசுஃப்பின் வரலாற்றை விளக்கும் வான்மறை குர்ஆன் வசனங்களை பார்வையிடலாம். “என்னை நாட்டின் களஞ்சியங்களுக்கு பொறுப்பாளராக ஆக்குக!” (அல் குர்ஆன்12:55) என்று அவர் (வேண்டுகோள் விடுக்கவில்லை) கேட்டுப்பெற்றார். இந்த நிகழ்ச்சியிலிருந்து குஃப்ரான அமைப்புக்கு ஒத்துழைப்பதற்கான சான்றிதழ் எங்ஙனம் கிடைக்கும்?- என்று சிந்தித்துப்பாருங்கள்.ஒருபக்கம், இப்பிரச்சனை தொடர்பான தெளிவான வழிகாட்டுதல்கள், துல்லியமான கருத்துகள் விளக்கப்பட்டுள்ளன. இன்னொருபக்கம் “என்னை பொறுப்பாளராக நியமியுங்கள்!” என்று அண்ணல் யூசுஃப் எகிப்து மன்னனிடம் கூறியதாக குர்ஆன் பொதுப்படையாக அறிவிக்கின்றது.இவ்விரண்டு சொற்களைத் தவிர வேறெந்த விளக்கத்தையும் வான்மறை குர்ஆன் அளிக்கவில்லை. அண்ணல் யூசுஃபுடைய அப்போதைய மார்க்கநிலை என்ன? அவர் அப்போது இறைத்தூதராக ஆக்கப்பட்டிருந்தாரா, இல்லையா? இந்த நியமனத்தின் போது எகிப்து மன்னருடைய நிலைதான் எவ்வாறு இருந்தது? அவருக்கு முன்பாக தவ்ஹீத்–ஓரிறைக் கொள்கைக்கான அழைப்பு வைக்கப்பட்டிருந்ததா,இல்லையா? வைக்கப்பட்டிருந்தது என்றால், மன்னர் அதற்கு என்ன பதில் அளித்தார்? அழைப்பை ஏற்றுக்கொண்டாரா, இல்லை நிராகரித்தாரா?முழுமைபெறா இப்பொதுமைக் கருத்துக்கு நிறைவான விளக்கத்தைப்பெற நாம் முயற்சிசெய்தே தீரவேண்டும்.இல்லாவிட்டால் ஒத்துழைப்புப் பிரச்சனைக்கு இதைக் கொண்டு நம்மால் ஆதாரம் காட்ட முடியாது. இதற்கான முழுமையான விளக்கம்தான் என்ன? ஏற்கனவே தெளிவாக விளக்கப்பட்டுள்ள குர்ஆன் வசனங்களுக்கு நேர்எதிரான விளக்கமா? இல்லை,அவற்றோடு ஒத்துப்போகின்ற விளக்கமா?......

தீனுடைய தெளிவான சட்டங்கள், குர்ஆனுடைய அடிப்படைப் பேருண்மைகள்–இவற்றைப்பற்றியெல்லாம் கவலையேபடமாட்டேன் என்று கூறுபவர்களுக்கு எல்லாப்பாதைகளும் திறந்தேதான் உள்ளன. சர்வ சுதந்திரமாக அவர்கள் எதில் வேண்டுமானாலும் பயணிக்கலாம்.இறைத்தூதர் ஒருவரைப்பற்றி எந்த முடிவுக்கு வேண்டுமானாலும் அவர்கள் வரலாம்.எகிப்து மன்னருக்கு முன்னால் வேலைக்கான விண்ணப்ப மனுவோடு அண்ணல் யூசுஃப்பை அவர்கள் நிற்கவைக்கலாம்: ஃகஸாயினுல் அர்ழ் எனபதற்கு வருவாய்துறை அமைச்சகம் என்று விளக்கம் தரலாம் இந்தப்பணியில் நியமிக்கப்பட்டபோது அண்ணல்யூசுஃப் நபியாக ஆக்கப்பட்டுவிட்டார்கள் என்று அவர்கள் கூறலாம் அச்சமயம் எகிப்துமன்னர் காஃபிராகவும், முஷ்ரிக்காகவும் தான் இருந்தார் என்று கூறலாம்: வேலைக்கான கோரிக்கையை வைத்தபோது கனிவோடு அதற்கு அவர் ஒப்புதல்அளித்தார் என்று கூறலாம்:கண்ணியத்துக்குரிய ஒரு நபியாக இருந்தவாறே அண்ணல் யூஸுஃப் எகிப்திய காஃபிர்–முஷ்ரிக் மன்னரின் ஆட்சியின் கீழ் விசுவாசமிக்க, பொறுப்புள்ள ஆளுனராகப் பணியாற்றினார் என்று அவர்கள் கூறலாம்.......ஆனால், யாருடைய உள்ளத்தில் இந்த அளவுக்கு தைரியம் இல்லையோ,அவர்கள் இத்தகைய ஆராய்ச்சிகளையெல்லாம் செய்யவே தயங்குவார்கள். இதைப்பற்றி அவர்கள் யோசிக்கத் தொடங்கினாலே, மேற்கண்ட தெள்ளந்தெளிவான குர்ஆன் வசனங்கள் எல்லாம் அவர்களுக்கு முன்னால்வந்து நின்றுகொண்டு கேள்விகளைத் தொடுக்கும். பின்பற்றப்படுவதற்காகத்தான் இறைத்தூதர்கள் என்றால்,இவ்விதிக்கு யாரும் விதிவிலக்கே கிடையாது என்றால், அண்ணல்யூஸுஃப் ஒரு காஃபிர்+முஷ்ரிக் மன்னரைப் பின்பற்றினார் என்று கூற உங்களுக்கு எங்கிருந்து தைரியம் வந்தது?–என்று கேட்கும்.இவ்வுலகத்தில் இறைவனின் தீனை நிலைநாட்டுவதுதான் ஒவ்வொரு நபியின் பணியுமாகும். அப்படி இருக்கையில் அண்ணல்யூஸுஃப் எகிப்திய மன்னனின் தீனுக்காக பாடுபடுவராக, அந்தத்தீன் காவலராகச் சித்தரிக்க எப்படி மனம் வந்தது?– என்று அவை கேட்கும்!இறைவனைமட்டுமே வழிபடவேண்டும் தா:கூத்தை எதிர்த்து நிற்கவேண்டும் என்று தான் எல்லா நபிமார்களும் பணிக்கப்பட்டுள்ளார்கள்.அப்படி இருக்கும் போது யூஸுஃப் மட்டும் எப்படி எகிப்திய மன்னன் போன்ற தா:கூத்துக்கு கீழ்படிபவராக, இதாஅத் பண்ணுபவராக இருந்தார்?–என்று அவை கேட்கும்!---இத்தகையகேள்விகளுக்கெல்லாம் பதில் சொல்வது மிகவும் கஷ்டம்!!

ஆகையால், ஆரோக்கியமான சிந்தனை என்பது கண்டிப்பாக வேறொன்றாகத்தான் இருந்தாக வேண்டும். மேற்கண்ட தெளிவான கட்டளைகளுக்கு முரண்பட்டதாக இல்லாமல் அவற்றோடு ஒத்திசைந்து போகக் கூடியதாகவே இதுவரைக்கும் நீங்கள் விளங்கிக் கொண்டே நியதிகளோடு பொருந்திப் போகக்கூடியதாக அது இருக்கும். இந்த ஆரோக்கியமான சிந்தனை பிரச்சனையின் வேறொரு கோணத்தையே நாடிநிற்கும். அதன்படி, உண்மை நிலவரம் எப்படி இருந்தாக வேண்டுமென்றால்.
1)அண்ணல் யூஸுஃப் ஆட்சிப் பொறுப்புக்காக விண்ணப்பித்திருக்கமாட்டார். கேட்டுப் பெற்றிருப்பார்.
2)அதிகாரத்தின் ஏதேனும் ஒரு பகுதியை பெற்றிருக்கமாட்டார். முழு அதிகாரத்தையுமே பெற்றிருப்பார்.
3)இந்நிகழ்வின்போது அண்ணல் யூஸுஃபுக்கு நபிப்பட்டம் அருளப்பட்டிருந்தது எனறு கருதத் தேவையில்லை.
4)அதிகார மாற்றத்தின் போது எகிப்தின் மன்னர் இஸ்லாமை தழுவியிருக்கவும் பெருமளவு வாய்ப்புண்டு.
இப்படித்தான் நிகழ்ந்திருக்க வேண்டும் என்று எவ்வாறு நாம் கருதுகிறோம்? அப்போதுதான் இறைத்தூதர்களுடைய இலக்கணமாக குர்ஆன் கூறுகின்றவை மிகச்சரியாக இதனோடு பொருந்திப்போகும்.

ஆதாரங்களின் வெளிச்சத்தில்
இப்படித்தான் நிகழ்ந்திருக்க வேண்டும் என்று வெறுமனே நியதிகளின் அடிப்படையில் மட்டும் நீங்கள் ஏற்றுக்கொள்ளத் தேவையில்லை.நாம் அதை விரும்பவும் இல்லை. ஆகையால், உங்களுடைய உள்ளம் மேலும் அமைதி பெறுவதற்காக வான்மறை குர்ஆனுடைய சில விளக்கங்கள் போன்றவற்றை உங்கள் பார்வைக்கு வைக்கிறோம். நிகழ்ச்சி எப்படி நடந்திருக்கவேண்டுமோ, அப்படியே நடந்துள்ளது எனபதைப் புரிந்து கொள்வீர்கள். ஏனென்றால், இறைவேதத்தின் கருத்துகளில் அணுஅளவு கூட முரண்பாடு காணப்படாது! அதனுடைய சிறப்பம்சங்களில் இதுவும் ஒன்று!ஒரு விஷயத்தைப்பற்றி வான்மறை எக்கருத்தையும் தெரிவிக்காமல் இருக்கவும்-அதைப்பற்றிய குறியீடுகளைக்கூட எங்கும் வெளிபடுத்தாமல் இருக்கவும்-கூட வாய்ப்புண்டு! ஆனால், ஒருவிஷயத்தைப்பற்றிய கருத்தை அது தெரிவிக்கின்றது என்றால்,அதே விஷயத்தைப்பற்றி அது வேறு இடங்களில் தெரிவித்துள்ள கருத்துகள்,செய்திகளோடு முரண்படுவதற்கு கொஞ்சமும் கூட வாய்ப்பே இல்லை!!

வான்மறை குர்ஆன், நுபுவ்வத்(தூதுத்துவம்) என்றால் என்ன? நுபுவ்வத்தின் அளவுகோல் என்ன? என்பதை நிறுவிய பின்பு,அந்த அளவுகோலோடு மாறுபடுமாறு, அந்த இலக்கணத்தோடு பொருந்திப போகாதவாறு ஒரு நபியின் நிகழ்ச்சியை விவரிப்பதற்கு சாத்தயமே கிடையாது! அண்ணல் யூஸுஃப்பும் ஒர் இறைத்தூதரே! இந்த நியதி அவருக்கும் கண்டிப்பாகப் பொருந்தியே தீரும்.ஆகையால் எப்படி நடந்திருக்க வேண்டும் என்று நாம் நியதிகளை முன்வைத்து கணித்துள்ளோமோ, வான்மறை குர்ஆன் மற்றும் தவ்ராத்தின் வார்த்தைகளும், வரிகளின் இடைவெளிகளில் விளக்கப்படும் விஷயங்களும் அதையே உணர்த்துகின்றன. அவற்றைப்பற்றிய சிறுவிளக்கம்.
1)அணணல் யூஸுஃப் ஆட்சி பொறுப்பை வேண்டி விண்ணப்பிக்கவில்லை; கேட்டுப்பெற்றார்கள்! அதற்கான ஆதாரம் வான்மறை குர்அனின் வார்த்தைகளில் உள்ளது.“அரசர் ‘அவரை என்னிடம் அழைத்து வாருங்கள். அவரை எனக்கே உரியவரய் வைத்துக்கொள்கிறேன்!’என்றார்.யூஸுஃப் அவரிடம் உரையாடினார். அப்போது அரசர் கூறினார்: ‘இன்று முதல் நீர் நம்மிடம் பெரும் அந்தஸ்த்துக்கு உரியவராகவும்,முழு நம்பிக்கைக்கு உரியவராகவும் ஆகிவிட்டீர்!’ அதற்கு யூஸுஃப், ‘நாட்டின் கருவூலங்களுக்கு என்னைப்பொறுப்பாளராக்குங்கள்.....!’ என்றுகூறினார்!” (அல்குர்ஆன் 12:55) மிகவும் தெளிவான விஷயம்! நெருங்கிய உதவியாளாராக ஆக்கிக் கொண்டார்;தன்னுடைய பார்வையில் அவர்மிகவும் கண்ணியம் வாய்ந்தவர்; மதிப்பிற்கும் மரியாதைக்கும் உரியவர் என்பதையும் மன்னர் அறிவித்துவிட்டார்! அதன் பின்னேதான் ‘நாடடின் கருவூலங்களுக்கு என்னைப் பொறுப்பாளராக்குங்கள்!’ என்று யூஸுஃப் அலைஹிஸ்ஸலாம் கூறுகிறார்கள். ‘இன்றுமுதல் நீர் நம்மிடம் பெரும் அந்தஸ்த்துக்குரியவராகவும், முழு நம்பிக்கைக்கு உரியவராகவும் ஆகிவிட்டீர்!’ என்று யூஸுஃப் அவர்களைப் பற்றி தன்னுடைய அபிப்பிராயத்தை மன்னர் வெளியிடுகிறார் என்றால் அவரை அரசவையை அலங்கரிக்கும் இரத்தின கல்லாக சூட்டிக்கொள்ள மட்டும் மன்னர் விரும்பவில்லை, மாறாக, ஆட்சிப்பொறுப்பில் நம்பிக்கைக்கு உரியவராக ஆக்கி அதிகார ஆளுமை கொண்ட பொறுப்பாளாராக ஆக்க விரும்பியே அவ்வாறு கூறினார்! இதனைத் தொடர்ந்து ‘நாட்டின் கருவூலங்களுக்கு என்னைப் பொறுப்பாளாராக்குங்கள்!" என்று அண்ணல் யூஸுஃப் கூறியதை வேண்டுகோளாக,விண்ணப்பமாக எப்படி கருதமுடியும்? வெளிப்படையான கேட்பு இது! அண்ணலுடைய ஈமானியப் பேரொளியின் அசாதாரணமான வெளிப்பாடு இது!!

இதே இருபதாம் நூற்றாண்டின் வீரப்போராளியாக இருந்திருந்தால் சிறைக் கொட்டடியிலிருந்து இப்படியொரு பொன்னான வாய்ப்பு கிடைக்கும் பட்சத்தில் மன்னனுக்கு முன்னால் நெடுஞ்சாண்கிடையாக விழுந்திருப்பார்! கம்யூனிச காம்ரேடாக இருந்திருந்தால் நன்றிப் பெருக்கில் கண்ணீர் மல்க மௌனமாக நின்றிருப்பார் இப்படியெல்லாம் மன்னர் புகழ்வதன் பொருள் என்னவோ,பார்க்கலாம் என்று எதிர்ப்பார்த்திருப்பார்! ஆனால் அண்ணல் யூஸுஃப்பிடம் குடிபொண்டிருந்த ஈமானியப் பேரொளி- நுபுவ்வத்தின் பிரகாசமும் அதன் பிண்னணியில் இருந்தது-காலம்கனிந்து வந்துள்ளதைப் புரிந்து கொண்டது. அவர் நன்றியை வெளிப்படுத்தவோ,மன்னரின் பெருந்தன்மையைப் புகழுவோ செய்யவில்லை. அதிகாரத்தோரணையுடன் கேட்கலானார்கள்; “ நீங்கள் வழங்குகின்ற இந்த அந்தஸ்த்தை ஒப்புககொள்ள வேண்டுமென்றால் புவிக்களஞ்சியம் முழுவதையும் என்பொறுப்பில் ஒப்படைத்;துவடுங்கள். மற்றப்படி, உங்களுடைய அரசு இயந்திரத்தை இயக்கவெல்லாம் நான் தயாராக இல்லை; அந்தப் பணிக்காக நான் உலகிற்கு அனுப்பப்படவும் இல்லை!”

2)ஏதோ பகுதி அதிகாரத்தையும் அவர் கேட்கவில்லை! அதாவது வருவாய்த்துறை அமைச்சுப் பணியை அவர் கேட்கவில்லை, மாறாக முழுமுற்று அதிகாரத்தையும் தான் கேட்டார்,ஆட்சி அதிகாரத்தை இஷ்டப்படி நடத்தும் அளவுக்கு முழுமையான அதிகாரம்! மன்னர், ராஜாதிராஜன், ஃபிர்அவ்ன் என்ற பட்டப்பெயர்களோ, நவரத்தினங்கள் பதிக்கப்பட்ட பொற்கீரிடங்களோ, அலங்கரிக்கப்பட்ட ஆட்சிக்கட்டிலோ-மக்கள் மத்தியில் இவை என்னதான் மதிப்பை பெற்றிருந்தாலும் சரியே - ஆட்சி அதிகாரத்திலோ,நாட்டு நிர்வாகத்திலோ எந்த பங்கையும் ஆற்றிடப்போவதில்லை.இவை அனைத்தும் எகிப்து மன்னரிடமே இருக்கட்டும்,மற்றபடி ஆட்சிக்கடிவாளத்தை என் வசமே முழுமையாக ஒப்படைத்து விடுங்கள்! வான்மறை குர்ஆனில் இம்முழு அதிகாரத்தைச்;;;;;; சுட்டிக்காட்டும் குறியீடுகளும்,தவ்ராத்தில் தெளிவான விளக்கங்களும் உள்ளன! குர்ஆனிய கூற்றின்படி... ‘புவியின் களஞ்சியங்கள்’ (Khazayinul Arzh) முழுமையாகத் தம்வசம் ஒப்படைக்கப்படவேண்டும் என்று அண்ணல் யூஸுஃப் கேட்டிருந்தார்கள். அதிகாரத்திற்கான ஆளுமைக்கான மூலவளங்கள்!” என்பதே இதன் பொருள்! ஃக:ஜாயின் என்கிற குர்ஆனிய கலைச்சொல் பொதுவாக நினைக்கப்படுவதைப் போல தானியங்கள் நிரம்பம்பிய உணவுக் களஞ்சியங்களையோ, பொற்குவியல், பணக்குவியல் நிறைந்த கஜானாக்களையோ குறிக்காது. அவற்றைக்குறிக்க ‘கன்:ஜ்’,‘மால்’,‘ஸமராத்’ என்ற சொற்களையே குர்ஆன் பயன்படுத்துகிறது.

உள்துறை முழுக்க அண்ணலின் கரங்களில் ஒப்படைக்கப்பட்டிருந்தது! இறைவனுடைய ஒரு சிறப்பான திட்டத்தின் மூலம் அண்ணலின் சகோதரர் பின்யாமீன் அண்ணலோடு வந்து சேர்ந்துகொண்டார். அதைப்பற்றி விவரிக்கையில் குர்ஆன் குறிப்பிடுகின்றது: “மன்னனின் சட்டத்திட்டத்தின் படி தம் சகோதரரைப்பிடித்து வைத்துகொள்வது அவருக்கு ஏற்புடையதாய் இருக்கவில்லை!”குற்றவாளியைப் பிடித்து வைத்துக் கொள்ளவேண்டுமென்றால் காவல்துறையின் அதிகாரங்களும் அவர் கைவசம்இருந்தன. அதுமட்டுமல்ல, நீதி வழங்கும் நீதித்துறையும் அவரிடமே இருந்தது.அரகாங்கத்தின் “நீதி” என்பதே அவராகத்தான் இருந்தார்! அவர் வெறுமனே வருவாய்த்துறை அமைச்சராக மட்டும் இருந்திருந்தால்,வழக்கு விசாரணை அவரிடம் வந்திருக்காது! தங்களுடைய தம்பி பின்யாமீனை விட்டுவிடுமாறு சகோதரர்கள் அவரிடம் முறையிட்டிருக்க மாட்டார்கள். ஆட்சிக் கட்டிலில் அமர்ந்திருப்பவராகவும் அவரே இருந்தார். அவருடைய பெற்றோர்கள் தங்களுடைய நாடான கண்ஆனை விட்டு விட்டு எகிப்துக்குக் குடிபெயர்ந்தபோது: அவர் தம்முடைய தாய் தந்தையரை சிம்மாசனத்தில் அமர வைத்தார்! நன்றியுணர்வோடு தன்னுடைய ஆட்சியதிகாரத்தின் நிலையை அவர்களுக்கு முன்னால் வெளிப்படுத்தினார். என் இறைவா! நீ எனக்கு ஆட்சியதிகாரத்தை வழங்கினாய்! அண்ணல் யூஸீஃப் இவ்வார்த்தைகளை சொன்ன போது எகிப்து மன்னர் உயிரோடுதான் இருந்தார்என்பதை மறந்துவிடக் கூடாது. இந்த சொற்கள், இந்த சாதனைகள்,ஏதேனும் ஓர்உணவு அமைச்சர், வருவாய்துறை அதிகாரி உடையதா? இல்லை, சர்வவல்லமை படைத்த ஓர் ஆட்சியாளருடையதா?

தவ்ராத்தின் கூற்றின்படி.....எகிப்து மன்னர் முதன்முறையாக அண்ணல் யூஸுஃப்பைச் சந்திக்கும்போதே அண்ணலுடைய ஈர்ப்பு விசையால் கவரப்பட்டடு விடுகிறார். அப்போதே தமமுடைய பணியாளர்களைப் பார்த்து அவர் கூறுகிறார். பார்வோன் தன் அலுவலர்களை நோக்கி, ‘இறையாவி பெற்றுள்ள இவரைப்போல் வேறொருவரையும் நாம் காணமுடியுமோ?’ என்றான். பின்பு, பார்வோன்யோசப்பை நோக்கி,இவற்றையெல்லாம் கடவுள் உம் ஒருவருக்கே அறிவித்துள்ளார். உம்மை விட மதிநுட்பமும் ஞானமும் செறிந்தவர் யாருமில்லர்! எனவே,நீரே என் அரண்மனையின் பொறுப்பை ஏற்பீர்!உம் வார்த்தைக்கு என் மக்கள் எல்லோரும் பணியட்டும்! அரியணையில் மட்டும் நான் உமக்குமேற்பட்டவனாய் இருப்பேன் என்றான். பார்வோன் யோசப்பை நோக்கி, இதோ எகிப்து நாடு முழுவதற்கும் உம்மை அதிகாரியாக நியமிக்கிறேன்! என்று சொன்னான். உடனே, பார்வோன் தன்கையில் அணிந்திருந்த அரச கணையாழியைக் கழற்றி அதை யோசேப்பு கையில் அணிவித்து, அவருக்கு பட்டாடை உடுத்தி,பொன் கழுத்தணியை அணிவித்தான்.மேலும் அவரை தன் இண்டாம் தேரில் வலம் வரச் செய்து இவருக்கு முழந்தாளிடுங்கள் என்று ஏவலர் கட்டியும் கூறச்செய்தான்.இவ்வாறு எகிப்து நாடு முழுவதற்கும் அவரை அதிகாரியாக்கினான்.மேலும்,அவன் யோசப்பை நோக்கி,பார்வோனாகிய நான் கூறுகிறேன், உமது ஓப்புதலின்றி எகிப்து நாடெங்கும் எவனும் கையையோ, காலையோஉயர்த்தக்கூடாது!’ என்றான். பின் பார்வோன் யோசப்புக்கு ‘சாபனாந்து பனேகா’ என்ற புதிய பெயர் சூட்டினான்.”(அத்:41 வச37-45)

திருவிவிலியம் பொதுமொழிபெயர்ப்பு பட்டப்பகலைவிடவும் வெட்டவெளிச்சமாக இருக்கும் இவ்விளக்கங்களைப் படித்துப்பாருங்கள்.எகிப்து மன்னரிடத்தில் அண்ணல் யூஸுஃப் ஒரு வருவாய்அதிகாரியாக மட்டுமே இருந்தார் என்று கூறுபவர்களை பார்த்து, அண்ணலிடம் ஆளுமை அதிகாரங்கள் அனைத்தும் குவிந்திருந்தன என்று ஏற்றுக்கொள்ளத் தயாராக இல்லாதவர்களைப்பார்த்து பரிதாபப்படுங்கள்!!

3) எகிப்திய மன்னரிடமிருந்து முழு அதிகாரங்களையும் கைவரப்பெற்ற சமயத்தில் அண்ணல் யூஸுஃப் நபியாக ஆக்கப்படவில்லை என்று கருதுவதற்குத்தான் அதிக வாய்ப்பு உள்ளது. ஆதாரங்கள் இதோ: (அ) தவ்ராத்தின் அறிவிப்பின் படி அப்போது அண்ணல் யூசுஃப் உடைய வயது முப்பது.(தொடக்கநூல் 41:46)

வான்மறை குர்ஆனில் வயதைப்பற்றி தெளிவாக ஒன்றும் கூறப்படவில்லை என்றாலும்,தவ்ராத்தின் அறிவிப்பை ஊர்ஜிதப்படுத்தும் விஷயங்கள் உள்ளன.குர்ஆனின் அறிவிப்பின் படி எகிப்தில் விற்கப்படும்போது வாலிபப்பருவத்தை அவர் அடைந்து விட்டிருக்கவில்லை. அமைச்சர் வீட்டில் சிலகாலம் கழித்தபின்பே அவர் வாலிபப்பருவத்தை அவர் அடைகிறார். அதைத்தொடர்ந்து உடனேயே சிறை செல்ல நேர்கின்றது. ஒருசில ஆண்டுகளை சிறையில் கழித்தபின்னர் விடுதலையாகி வெளியே வருகிறார். இவற்றை கணக்கிட்டுப் பார்த்தால் இந்நிகழ்வின் போது குர்ஆன்படியும் 30,32வயதுதான் இருந்திருக்கும். ஆகையால், இது குறித்த தவ்ராத்தின் அறிவிப்பு சரியல்ல என்று ஒதுக்கித் தள்ள வழியில்லை. அறிவும் மனமும் பக்குவமடைகின்ற வயதுஎன்ன? இப்போது யோசிக்க வேண்டும்! பொதுவாக நுபுவ்வத்திற்கு எந்த வயதை இறைவன் நிர்ணயத்துவைத்துள்ளான்?-நம்முடைய கணிப்பின்படி நாற்பதுவயதில்தான் நபிமார்கள் பொதுவாக ரிஸாலத் பொறுப்பில் நியமிக்கப்பட்டு உள்ளார்கள. இதன்படி,ஆட்சிக்கட்டிலில் அமரும்போது அண்ணல் யூஸுஃப் நபியாக ஆக்கப்பட்டிருக்கவில்லை! என்றுகூறுவதில் தப்பேகிடையாது! அதுவரைக்கும் உம்மத்தே யஃகூப்-பைச் சேர்ந்தவர் என்கிறஅடிப்படையில்தான் அவர்ஒரிறைக் கொள்கையை பிரச்சாரம் செய்துவந்துள்ளார். சத்திய அழைப்பிற்க்கான இப்பயிற்சியை சிறுவயதிலேயே கண்ணியம் பொருந்திய தன் தந்தையிடமிருந்து அவர் பெற்றிருந்தார். அறிவும்,உணர்வும் பக்குவமடைய. பக்குவமடைய இந்த பயிற்சியும் பரிணாம வளர்ச்சி கண்டுவிட்டது.

(ஆ) ஆட்சிப்பொறுப்புக்கு வந்து ஏழெட்டு ஆண்டுகள் சென்ற பிறகு, தானியம் வாங்க வரும் சகோதரர்கள் ஒருமுறை இவ்வாறு கூறுகிறார்கள்: “அரசாதிபதியே!இவருடைய தந்தை மிகவும் வயது முதிர்ந்தவராய் இருக்கிறார்!” ஓர் இறைத்தூதரை ‘நபி’ என்று அழைக்காமல் அது அல்லாத வேறு எந்த வார்த்தையில் அழைத்தாலும், நுபுவ்வத் எனும் தனித்தன்மைக்கு இழுக்கானதாகும்! அந்தச்சமயத்தில் அண்ணல் யூஸ{ஃப் நபியாக இருந்திருந்தால்,அவருடைய சகோதரர்கள் அவரை ‘அஜீஸ்’ என்று அழைத்திருக்கவே மாட்டார்கள். கணடிப்பாக ‘அல்லாஹ்வின்தூதரே!’ என்றுதான் அழைத்திருப்பாhகள்.தூதர் என்ற சொல்,அரசாதிபதி என்ற சொல்லைவிட கண்ணியம் வாய்ந்தது என்பதற்காக அல்ல, மாறாக எந்த நோக்கத்திற்காக முன்னால் நிற்கிறார்களோ அது நிறைவேற வேண்டுமென்றால் நபி என்று அழைப்புதான் சாலச்சிறந்தது. தங்களுடைய சகோதரர் பின்யாமீனை விட்டு விடுமாறு அவர்கள் முறையிட்டுக் கொண்டிருந்தார்கள். இறைத்தூதர் யூஸுஃப் இருக்கும் போது அரசாதிபதி யூஸுஃப்பிடம் போய் கருணை மனு கொடுப்பது முட்டாள்தனம் என்று கூடத்தெரியாத அளவுக்கு அவர்கள்அறிவற்றவர்கள் அல்லர்.

அதிகாரம்,ஆளுமை,வல்லமை இவற்றின் மறுபெயர் தாம் அஜீஸ்! அங்கு கருணையையோ,கனிவையோ எதிர்பார்க்க முடியாது. அதேசமயம் கருணை,கிருபை,அன்பு இவற்றின் மறுபெயர்தான் நுபுவ்வத். கேட்பவர்களுக்கு இல்லை என்றுசொல்வது நுபுவ்வத்தின் இலக்கணத்திலேயே கிடையாது!

4)எகிப்தின்மன்னர், அண்ணல்யூஸுஃப்பின் கரங்களால் இஸ்லாமை தழுவிவட்டிருந்தார். ஆதாரங்கள் இதோ: (அ) தவ்ராத்தின் விளக்கத்தை ஏற்கனவே கண்டு வந்துள்ளோம். மீண்டும் நினைவுப்படுத்திக் கொள்வோம். ‘இறையாவி பெற்றுள்ள இவரைப்போல் வேறொருவரையும் நாம் காணமுடியுமா?’ ......... “பார்வோன் யோசப்பை நோக்கி, இவற்றையெல்லாம் கடவுள் உம் ஒருவருக்கே அறிவித்துள்ளார்.! ” ஒருகாஃபிரோ, முஷ்ரிக்கோ, இறைவனுக்கு எதிரான சதிகாரனோ இவ்வார்த்தைகளைச் கொல்வானா? தவ்ஹீதின் குறியீடுகளை உணர்ந்தவன் போல் அல்லவா, எகிப்துமன்னர் ‘இறையாவி,’ ‘கடவுள் அறிவித்துள்ளார்’ போன்ற சொற்களை பயன்படுத்தியுள்ளார்?

(ஆ)குஃப்ரையும்,ஷிர்க்கோ பின்பற்றுகின்ற எகிப்துமன்னர் முழு அதிகாரத்தையும் ஓர் இறைநம்பிக்கையாளரிடம் ஒப்படைத்துவிட்டார் என்பது ஆச்சரியத்திலும் ஆச்சிரியமான விஷயம்! அதுவும் எப்படிப்பட்ட ஆளிடம் தெரியுமா? சிறைக்கம்பிகளுக்குப் பின்னால் அடைபட்டுகிடந்த போதும் ஷிர்க்குக்கும்,கு.ப்ருக்கும் எதிராக வாளை உருவியவரிடம்! சிறையிலேயே இந்தப்பணி என்றால் வெளியே வந்தால் அவர் என்னவெல்லாம் செய்திடமாட்டார்?

இரண்டு எதிர் எதிர் துருவங்கள், இயற்கையாகவே ஒன்றையொன்று எதிர்த்து,களம் காண்பவர்கள் இணக்கமாகப் பணியாற்றினர் என்பதற்கு தத்துவ வரலாற்றில் ஒரே ஒரு உதாரணத்தைக்கூட நம்மால் பார்க்கமுடியாது! அது மட்டுமல்லாமல், அண்ணல்யூஸுஃப் கண்டிப்பாக எகிப்து மன்னருக்கு முன்னால் இஸ்லாமிய அழைப்பை வைத்திருப்பார். இறையாவி பெற்ற மனிதராக தான் கருதும் மனிதர் ஒருவரின் அழைப்பை கண்டிப்பாக- கண்டிப்பினும் கணடிப்பாக- எகிப்து மன்னர் ஏற்றிருப்பார்! இல்லாவிட்டால் ஒரு காஃபிர்,ஒரு முஷ்ரிக், காஃபிர் மற்றும் முஷ்ரிக்காக இருந்து கொண்டே,ஒர் இறை அழைப்பாளரிடம், ஒருமுஃமினிடம்-அதுவும் எப்பேற்பட்ட முஃமின்! உத்வேகமான இறைஅழைப்பாளன்! தன்னிடமுள்ள அனைத்தையும் நம்பி ஒப்படைத்துவிடும் அளவுக்கு திருப்தியை எங்ஙனம் பெற்றிருக்க முடியும்?- இவ்வாறு எப்போது நிகழுமென்றால் குஃப்ரும்,ஈமானும் தத்தமது நிலைகளிலிருந்து ஒரு சிறியதை விட்டுக்கொடுத்து சமரசம் செய்து கொள்ளும்போது!அவற்றில் ஒன்று கூட விடாப்பிடியாக தனது நிலையில் உறுதியாக நின்றாலும் இத்தகைய ஒற்றுமை சாத்தியப்படாது!இருபதாம்நூற்றாண்டின் குஃப்ரிடமும், ஈமானிடமும் வேண்டுமானால் இத்தகைய “பரந்த மனப்பான்மையும் மதநல்லிணக்கத்தையும்” காணலாம். ஆனால் கி.மு 20-ம் நூற்றாணடில் இந்த நிலை நிலவியது என்பதை கற்பனைகூட செயது பார்க்க முடியாது. சரி ஒரு வேளை குஃப்ராவது விட்டுக்கொடுத்திருக்கலாம். ஆனால்,ஈமான்!(அதுவும் சாதாரண ஈமான் அல்ல,யூஸுஃபின் ஈமான்ஐப்பற்றி இவ்வாறு யோசிப்பது கூட பெருந்தவறு!! எனவேதான், இஸ்லாமிய உலமாக்களில் பலரும்எகிப்து மன்னரைப்பற்றி இதே எண்ணத்தையே கொண்டுள்ளார்கள். புகழ்பெற்ற அல்குர்ஆன் விரிவுரையாளராகிய முஜாஹித் அவர்களும் எகிப்திய மன்னர் முஸ்லிமாகிவிட்டிருந்தார் என்றுதான் கூறுகிறார்(காண்க: இப்னு ஜரீர்,கஷ்ஷாஃப்) இந்த பேருண்மைகள்,சாத்தியக்கூறுகள் இவற்றையெல்லாம் நிதானமாக ஆராய்ந்து பாருங்கள். அண்ணல் யூஸுஃபுடைய வாழ்க்கையின் மிகச்சரியான கோணம் எதுவாக இருக்க முடியும்?என்று சிந்தித்துப்பாருங்கள்!

தெளிவான ஆதாரங்கள்,பேருண்மைகள் உள்ள போது இப்பிரச்சனைக்கு முறையற்ற வடிவம் ஒன்றைக் கொடுத்து, அதுதான் சரி என்று அடம்பிடிப்பது சரிதானா? கண்ணியம் பொருந்திய இறைத்தூதர் ஒருவருடைய நடைமுறையை பயங்கரமாகத்தரம் தாழ்த்தி தம்முடைய கருத்துக்கு ஆதாரமாக முன்வைப்பது முறைதானா? தம்முடைய நிலைப்பாட்டுக்கு அவர்களிடம் எந்த ஆதாரமும் இல்லையே மிஞ்சி மிஞ்சி இருப்பெதல்லாம் ‘கஸாயின்’ என்ற சொல்!பணம், செல்வம் என்று அதை நாம் தவறாக மொழிபெயர்த்து வைத்துள்ளோம். அடுத்து எகிப்துமன்னர்! எகிப்து மன்னர் எனறால் அவன் ஃபிர்அவ்னாகத்தான் இருப்பான். ஃபிர்அவ்ன் என்ற பெயர் கொண்டவர் இஸ்லாமின் கொடிய எதிரி என்றுதான் விளங்கிவைத்துள்ளோம். அதை அடுத்து வான்மறை குர்ஆன் அண்ணல் யூஸுஃப் ஓர் இறைத்தூதர் என்று கூறுகின்றது.ஆகையால், அவரைப்பற்றி என்ன கூறப்பட்டாலும் அது அவர் இறைத்தூதராக ஆனதற்குப்பிறகு நடைபெற்றதுதான் எனறே விளங்கி வைத்துள்ளோம்!அப்படியே வைத்துக் கொண்டாலும் அப்போதும் நம்முடைய கருத்தே சரியானதாக இருக்கும்- இத்தகைய தூய சான்றோர், தூதர்களை தெரிந்தோ தெரியாமலோ இந்த மாதிரியெல்லாம் பயன்படுத்திக் கொள்வது ஈமானுக்கே விரோதமான செயல் என்பதில் இரண்டு விதமான கருத்துக்கே இடமில்லை!!
(இந்த பகுதி 20 ம் நூற்றாண்டின் இஸ்லாமிய பேரறிஞர்களில் ஒருவரான சத்ருத்தின் இஸ்லாஹியின் “தாகூத்தை விட்டு தூர விலகு” எனும் புத்தகத்தில் இருந்து கையாளப்பட்டுள்ளது)

மார்க்க ஒற்றுமை

மார்க்க ஒற்றுமையே எங்கள் உம்மி நபியின்! உம்மி சமுதாயத்தின்! உம்மி முஸ்லிமாகிய எனது அன்பான வேண்டுகோள்.
அன்பிற்கினிய சகோதர சகோதாிகளே! அஸ்ஸலாமு அலைக்கும் வரஹ்மத்துள்ளாஹி வபரக்காத்தஹீ (உங்கள் மீது ஏக இறைவனின் சாந்தியும் சமாதானமுன் என்றென்றும் நிலவட்டுமாக!)
அல்லாஹ்வின் கயிற்றை அனைவரும் சேர்ந்து பிடித்துக் கொள்ளுங்கள், பிரிந்து விடாதீர்கள். – இது திருக்குர் ஆன் 3:103ன் வசனமாகும். இதன் விளக்கம் என்ன தெரியுமா? எல்லோரும் ஒரு அணியில் நின்று ஒரு கொள்கையை இறுக்கி பிடித்து சருகிவிடாமல் ஒற்றுமையாக இருப்ப்தே,
உலகப் பொதுமறை திருக்குர்ஆன் மற்றும் நபிவழி சுன்னத் ஆகிய இரண்டுதான்அல்லாஹ்வின் கையிறாகும்,
லா இலாஹா இல்லல்லாஹீ முஹம்மதுர் ரசூலில்லாஹி
(வணக்கத்துக்குரியவன் அல்லாஹ்வைத் தவிர யாருமில்லை நபிகள் நாயகம் (ஸல்) அவர்கள் அல்லாஹ்வின் திருத்தூதர் ஆவார்கள)
எல்லோரும் மேற்கண்ட ஓரிரை கொள்கையை பற்றிப் பிடிக்க அல்லாஹ் நமக்கு தனது திருக்குர்ஆன் எனும் வார்த்தைகள் முலம் முஸ்லிம்களுக்கு
கட்டளையிடுகிறான், ஆனால் நாம் அவ்வாறு ஒன்றுபட்டு நிற்கிறோமா? இல்லவே இல்லை
ஆலுக்கொரு ஜமாஅத். ஆலுக்கொரு கொள்கை. ஆலுக்கொரு தலைவன் என பிாிந்து நிற்கின்றனர் நம் முஸ்லிம் சகோதரர்கள் கீழே கொடுக்கப்பட்டது போன்று
நான் சுன்னத்வல் ஜமாஅத்துக்காரன்,
நான் தப்லிக் ஜமாஅத்துக்காரன்,
நான் அஹ்லே ஹதீஸ்,
நான் பாக்கவி,
நான் ரப்பானி,
நான் காதிரி,
நான் மாலிகி,
நான் ஹம்பலி
நான் ஜாக் ஜமாத்,
நான் தமிழ்நாடு தவ்ஹீத் ஜமாத்,
நான் இந்திய தவ்ஹீத் ஜமாத்,
நான் தமிழ்நாடு முஸ்லிம் முன்னேற்றக்கழகக்காரன்
எவரும் அல்லாஹ்வின் புனிதமிக்க மார்க்கமான இஸ்லாத்தைச் சேர்ந்த உண்மையான இஸ்லாமியன் என்று சொல்வதில்லையே ஏன் இந்த அவலம். இந்த பிரிவினைக்கு காரணமாகியவர்களை அல்லாஹ் நாளை மறுமையில் கேள்வி கேட்பானே!
அல்லாஹ்வுக்கும் மறுமையில் அவனுடைய கேள்விகளுக்கும் பயந்துக்கொள்ளுங்கள்!
நம் அன்பிற்கினிய மதிப்பிற்கும், கண்ணியத்திற்கும் ஏன் எங்கள் உயிருக்கும் மேலாக மதிக்கக் கூடிய ஒரு சில தவ்ஹீத் சகோதரர்கள் இணைந்தால் போதுமே நம் மார்க்க ஓற்றுமைக்கு. அல்லாஹ் உறுவாக்கிய இஸ்லாமிய மார்க்கத்தை பிளவுபடுத்த யாருக்கு அதிகாரமிருக்கிறது! அல்லாஹ் விதித்த ஒற்றுமை எனும் சட்டத்தை மீற யாருக்குக்கேனும் தனி சுநத்திரம் அளிக்கப்பட்டுள்ளதோ?,
தமிழகத்தில் முழுவதுமாக மக்களிடமிருந்து குப்ரு எனும் இறைநிராகரிப்பை நீங்கி விட்டதா? நாம் நமக்குள் சண்டைபோட்டுக்கொண்டு பிரிந்து நிற்க? இந்த இணைவைப்பவர்களை நேர்வழிப்படுத்து ஏகத்துவ வாதிகளே ஒன்றுபடுங்கள்! சுவனம் செல்ல முந்திக்கொள்ளுங்கள்!
நன்மையை ஏவி, தீமையைத் தடுத்து நல்வழியை நோக்கி அழைக்கும் சமுதாயம் உங்களிடம் இருக்க வேண்டும அவர்களே வெற்றி பெற்றோர், இது உலகப்பொதுமரை திருக்குர்-ஆன் 3:104ன் வசனமாகும்
இந்த வசனத்தின் முலம் அல்லாஹ் நமக்கு அறிவுறுத்துவது என்னவென்றால் ஒரு சமுதாயமாக இருந்து நன்மையை ஏவி, தீமையைத் தடுத்து நல்வழியை நோக்கி அழையுங்கள் என்றுதான் ஆனால் இன்றைக்கோ தமிழகத்தில் மட்டும் தவ்ஹீத்வாதிகள் 72 சமுதாய பிரிவினர்களாக பிரிந்து நானா? நீயா எனறு பலப்பரிட்சையில் இறங்கிவிட்டனரே இது நியாயமா?
திருக்குர் ஆன் 3:105ன் வசத்தின் முலம் அல்லாஹ் நமக்கு இவ்வாறு கட்டளையிடுகிறான், தம்மிடம் தெளிவான் சான்றுகள் வந்த பின்பு முரண்பட்டுப் பிரிந்து விட்டோரைப் போல் ஆகாதீர்கள், அவர்களுக்கே கடும் வேதனை உண்டு
வானங்களில் உள்ளவையும் பூமியில் உள்ளவையும் அல்லாஹ்வுக்கே உரியன, அல்லாஹ்விடமே காரியங்கக் கொண்டு செல்லப்படும் – என்ற திருக்குர் ஆன் 3:109ன் வசனத்தை இவர்கள் படிக்கவில்லை போலும்,
முடிவுரை
என அருமை சகோதர, சகோதரிகளே நாம் அரபி இலக்கணம் அறியாத உம்மிகள் நமது நபியும் நம்மைப் போன்று உம்மிதான் ஆனால் அல்லாஹ் நமக்கு அறிவை கொடுத்துள்ளான் இனியும் இந்த பிறிந்து நின்று பிறிவினைவாதிகளின் பின் நிற்காமல் உலகப் பொதுமறை திருக்குர்ஆன் மற்றும் நபிவழி சுன்னத் ஆகிய அல்லாஹ்வின் கயிற்றை பலமாக பற்றிப்பிடித்து தைரியமாக முஸ்லிம்கள் என்று சொல்வோமாக, யார் சொன்னாலும் காது கொடுத்து கேட்போம் ஆனால் உலகப் பொதுமறை திருக்குர்ஆன் மற்றும் நபிவழி சுன்னத் ஆகிய இரண்டின் பக்கம் தான் தலை
சாய்ப்போம் என்று சூளுரைத்து அல்லாஹ்வின் பக்கம் திரும்புவோமாக, மஹஷர் வெற்றிக்காக பொறுத்திருந்து, ஏகத்துவத்தை நிலைநாட்டி நம்மால் இயனற் அளவு
இஸ்லாத்தை எல்லோரிடமும் எத்தி வைத்து இல்வாழ்க்கையிலும் மறுமையிலும் பிரியாமல் மறுமை வெற்றிக்காக காத்திருப்போமாக, இன்ஷா அல்லாஹ் சுவனம் செல்வோமாக,
அல்லாஹ்வின் கயிற்றை அனைவரும் சேர்ந்து பிடித்துக் கொள்ளுங்கள், பிரிந்து விடாதீர்கள். – திருக்குர் ஆன் 3:103
மேற்கண்ட விளக்கம் எனது சொந்தக் கருத்துத்தான் இதில் தவறு கண்டால் எனக்கு தெரியப்படுத்தவும் நான் மனதார ஏற்றுக்கொள்கிறேன் ஏனெனில் ஒருமுறை நபிகளார் (ஸல்) அவர்கள் தேன் அருந்தமாட்டேன் என்று தன்னிச்சையாக முடிவெடுத்து அதனை அல்லாஹ் கண்டித்தவுடன் தனது தவற்றை உணர்ந்து தவறுகளை திருத்திக் கொண்டார்கள் இநத் மனோ பக்குவத்தை எனக்கும் உங்களுக்கும் ஏக இறைவன் வழங்கி அருள்புரிவானாக,
(கொண்ட கொள்கைதான் பெரியது என நம்பி வாழும் நம் ஆலிம் பெருமக்களுக்கும் சேர்த்து துவா செய்து கொள்வோமாக! அல்லாஹ் நம் பிாிந்து நிற்கும் சமதாயத்திற்கு ஒற்றுமையை அருளி நம்மை தனது அர்ஷின் நிழலில் நிற்கச்செய்து கேள்விக்கணக்கின்றி சுவனத்தில் புகுத்துவானாக! ஆமீன்!)
நாம் முஸ்லிம்கள்! நாம் அமைதியாக இஸ்லாத்தை கடைபிடித்து எவருக்கும் எந்த மனிதனுக்கும், இந்து, முஸ்லிம். கிருத்தவ ஏன் எந்த இன, மத, மொழி பேசக்கூடியவர்களுக்கும் தீங்கிழைக்காமால் வாழுவோம் என்று சபதமேற்று சுவனப்பதையை வளமாக்கிக்கொள்வோமாக!

Create your own visitor map!

தவ்ஹீத் அல் அஸ்மா வஸ் ஸிஃபத்

தவ்ஹீத் அல் அஸ்மா வஸ் ஸிஃபத்
· அல்லாஹ்வின் பெயர்கள், குணங்கள் இணைவைக்காமல் இருத்தல்· அல்லாஹ்வின் திருநாமங்கள், குணங்கள் குர் ஆன் மற்றும் ஹதீஸில் சொல்லப்பட்டவாறு முழுமையாக நம்புதல் வேண்டும்.· அல்லாஹ்வின் தன்மைகளை எப்படைப்புக்கும் இணையாக்கமல் இருத்தல்அல்லாஹ்வுக்கு உருவம் உண்டு என்று குர் ஆன் சொன்னால் இருக்கிறது என்று நம்ப வேண்டும். எப்படி இருக்கும், நம்முடைய கையை போல் இருக்குமா என்றெல்லாம் ஆராயக் கூடாது. ஏனென்றால் நிச்சயமாக அவை நாம் நினைப்பது போல் அல்லது நம்மை போல் இருக்காது. அல்லாஹ் தன்னை பற்றி திருமறையில் அவ்வாறு தான் கூறுகிறான் : “அவனைப் போன்று எப்பொருளும் இல்லை” (திருக்குரான் 42 :11)அல்லாஹ்வுக்கு அர் ரவூப் (கருணை மிக்கவன்), அர்ரஹீம் (கிருபை மிக்கவன்), அஸ்ஸமது (தேவையற்றவன்) என 99 பெயர்கள் உள்ளன. இப்பெயர்கள் ஒவ்வொன்றும் அவனது பண்பை எடுத்துக் காட்டுகின்றன. எனவே இறைவனின் பெயர்களை இறைவனின் அடிமைகளுக்கு சூட்டும் போது அப்து என்ற பெயருடன் சேர்த்து சொல்ல வேண்டும். உதாரணத்துக்கு ரஹ்மான் என்று வைக்காமல் அப்துர் ரஹ்மான் என்று பெயர் வைப்பதின் மூலம் பெயரிலும் ஷிர்க்கின் வாடை இல்லாமல் காப்பாற்றப்படுகிறோம். அது போல் அல்லாஹ் அல்லாத வேறு பெயர்கள் வைக்கும் போது அதற்கு முன்னால் அடிமை என்று பொருள்படும் அப்து சேர்த்து வைக்க கூடாது. முஸ்லீம்களிடையே புழக்கத்தில் இருக்கும் அப்துன் நபி, அப்துர் ரஸீல், அப்துல் ஹுசைன், நாகூர் பிச்சை போன்ற பெயர்கள் வைப்பதிலிருந்து தவிர்ந்து கொள்ள வேண்டும்

ஷிர்க் அர் ருபூபியா

ஷிர்க் அர் ருபூபியா
ஷிர்க் அர் ருபூபியாவை இரண்டாக பிரிக்கலாம்1. படைப்பாளனுடைய ஆளுமையில் பிற தெய்வங்களை கூட்டாக்கல்2. இறைவனே இல்லை என்ற நாத்திக கொள்கைமுதலாவது வகை ஷிர்க் அர் ருபூபியாவுக்கு அடையாளமாக பிற மதத்தை பின்பற்றுபவர்களை சொல்லலாம். உதாரணத்துக்கு இந்து மதத்தை பின்பற்றுபவர்கள் நிறைய தெய்வங்களை வணங்குபவர்களாக இருந்தாலும் மூன்று முக்கிய கடவுள்களை வணங்குவதோடு மட்டுமல்லாமல் அந்த ஓரே படைப்பாளனின் அதிகாரங்களை பிரம்மனுக்கு படைத்தல் என்றும் விஷ்ணுக்கு பரிபாலித்தல் என்றும் சிவனுக்கு அழித்தல் என்றும் பங்கிட்டு கொடுத்தனர். அது போல் கிறித்துவர்கள் கடவுளை பிதா, சுதன், பரிசுத்த ஆவி என்று ஒன்றை மூன்றாகவும் மூன்றை ஒன்றாகவும் சித்தரித்து இணை கற்பித்தனர். யூதர்கள் அல்லாஹ்வுக்கு மகன் இருப்பதாக இணை கற்பித்தனர். பாரசீகர்கள் நல்லவைகளுக்கு காரணமாக நெருப்பையும் தீயவைகளுக்கு காரணமாக இருட்டையும் சித்தரித்து இணை வைத்தனர்.இரண்டாவது வகை ஷிர்க் அர் ருபூபியாவுக்கு அடையாளமாக தத்துவஞானிகள், அறிஞர்கள் (?, ? ) என சொல்லப்படுபவர்களை பார்க்கலாம். கடவுள் இல்லை என்று சொன்ன புத்தர் (பின்னாளில் புத்தரையே கடவுளாக்கி தனி மதமானது வேறு விஷயம்), நானே கடவுள் என தன்னை தானே பிரகடனப்படுத்திய பிர் அவ்ன், குரங்கிலிருந்து மனிதன் தோன்றினான் என இறைவனின் படைப்பாற்றலை மறுத்த டார்வின் போன்றோர் உட்பட நாத்திகவாதிகளை இப்பட்டியலில் சேர்க்கலாம்.

தவ்ஹீத் அல் அஸ்மா வஸ் ஸிஃபத்

தவ்ஹீத் அல் அஸ்மா வஸ் ஸிஃபத்
· அல்லாஹ்வின் பெயர்கள், குணங்கள் இணைவைக்காமல் இருத்தல்· அல்லாஹ்வின் திருநாமங்கள், குணங்கள் குர் ஆன் மற்றும் ஹதீஸில் சொல்லப்பட்டவாறு முழுமையாக நம்புதல் வேண்டும்.· அல்லாஹ்வின் தன்மைகளை எப்படைப்புக்கும் இணையாக்கமல் இருத்தல்அல்லாஹ்வுக்கு உருவம் உண்டு என்று குர் ஆன் சொன்னால் இருக்கிறது என்று நம்ப வேண்டும். எப்படி இருக்கும், நம்முடைய கையை போல் இருக்குமா என்றெல்லாம் ஆராயக் கூடாது. ஏனென்றால் நிச்சயமாக அவை நாம் நினைப்பது போல் அல்லது நம்மை போல் இருக்காது. அல்லாஹ் தன்னை பற்றி திருமறையில் அவ்வாறு தான் கூறுகிறான் : “அவனைப் போன்று எப்பொருளும் இல்லை” (திருக்குரான் 42 :11)அல்லாஹ்வுக்கு அர் ரவூப் (கருணை மிக்கவன்), அர்ரஹீம் (கிருபை மிக்கவன்), அஸ்ஸமது (தேவையற்றவன்) என 99 பெயர்கள் உள்ளன. இப்பெயர்கள் ஒவ்வொன்றும் அவனது பண்பை எடுத்துக் காட்டுகின்றன. எனவே இறைவனின் பெயர்களை இறைவனின் அடிமைகளுக்கு சூட்டும் போது அப்து என்ற பெயருடன் சேர்த்து சொல்ல வேண்டும். உதாரணத்துக்கு ரஹ்மான் என்று வைக்காமல் அப்துர் ரஹ்மான் என்று பெயர் வைப்பதின் மூலம் பெயரிலும் ஷிர்க்கின் வாடை இல்லாமல் காப்பாற்றப்படுகிறோம். அது போல் அல்லாஹ் அல்லாத வேறு பெயர்கள் வைக்கும் போது அதற்கு முன்னால் அடிமை என்று பொருள்படும் அப்து சேர்த்து வைக்க கூடாது. முஸ்லீம்களிடையே புழக்கத்தில் இருக்கும் அப்துன் நபி, அப்துர் ரஸீல், அப்துல் ஹுசைன், நாகூர் பிச்சை போன்ற பெயர்கள் வைப்பதிலிருந்து தவிர்ந்து கொள்ள வேண்டும்

ஷிர்க் அல் அஸ்மா வஸ் ஸிஃபாத்

Wednesday, April 29, 2009

ஷிர்க் அல் அஸ்மா வஸ் ஸிஃபாத்
ஷிர்க் அல் அஸ்மா வஸ் ஸிஃபாத் இரண்டு விதமாக ஏற்படலாம்.1. அல்லாஹ்வுக்கு மனிதன் உட்பட படைப்பினங்களின் தன்மைகள் இருப்பதாக கருதி செய்யப்படும் ஷிர்க்குக்கு உதாரணமாக ஹிந்துக்கள் தாங்களாகவே கற்பனையில் உதித்த உருவத்தின் அடிப்படையில் சிலைகளை அமைத்து வழிபடுவதை கூறலாம். அந்த உயிரற்ற உருவத்துக்கு, தன் மேல் அமரும் ஈயை கூட ஓட்ட சக்தியில்லாத அந்த கற்சிலைகளுக்கு தங்களை போன்ற மனிதர்களின் வடிவத்தை கொடுப்பதை காண்கின்றோம். அதனால் தான் ஹிந்துக்களின் கடவுளர்களின் உருவம் பெரும்பாலும் இந்திய மனிதர்களின் சாயலை ஒத்திருப்பப்பதை காண்கின்றோம். அது போல் கிறித்துவர்கள் தாங்கள் கடவுள் என கருதும் இயேசுவின் உருவம் ஐரோப்பியர்களின் உருவத்தை ஒத்தது போல் தோன்றுவதற்கு காரணம் இயேசுவை வரைந்த ஓவியரான மைக்கேல் ஏஞ்சலா ஐரோப்பியராக இருந்தது தான். அதனால் தான் Message எனும் நபிகள் நாயகம் (ஸல்) அவர்களை பற்றிய வரலாற்று படத்தில் கூட தூதராக நடித்தவரின் முகத்தை காட்டவில்லை.2. படைப்பினங்களுக்கு படைப்பாளனின் தன்மை இருப்பதாக கருதி செய்யப்படும் ஷிர்க்கும் ஷிர்க் அல் அஸ்மா வஸ் ஸிஃபாத்தை சாரும். இஸ்லாத்துக்கு முந்தைய ஜாஹிலிய்யா காலத்தில் குறைஷிகள் தாங்கள் வணங்கிய தெய்வங்களுக்கு அல்லாஹ்வின் 99 பெயர்களில் சிலவற்றை தான் சூட்டியிருந்தார்கள். குறைஷிகள் வணங்கிய சிலைகளுள் பிராதனமான அல் – லாத் அல்லாஹ் என்பதிலிருந்தும், அல்-உஸ்ஸா அல்லாஹ்வின் பெயர்களுள் ஒன்றான அல்-அஜீஸிலிருந்தும், அல்-மனாத் என்பது அல்-மன்னான் எனும் அல்லாஹ்வின் பெயரிலிருந்தும் எடுக்கப்பட்டதாகும். நபி (ஸல்) அவர்களின் காலத்தில் தன்னை நபி என்று அறிவித்து கொண்ட பொய்யன் முஸைலமா தனக்கு வைத்து கொண்ட பெயர் அல்லாஹ்வின் பெயர்களில் ஒன்றான ரஹ்மான் என்பதாகும். ஸிரியாவில் உள்ள ஷியா பிரிவு நுஸய்ரியர்கள் அலீ (ரலி) அவர்களை அல்லாஹ்வின் அவதாரமாக கருதி ஷிர்க் வைக்கின்றனர். திருமறையின் 55:26 வசனத்தில் “பூமியாக இதன் மீது இருப்பவை ஒவ்வொன்றும் அழியக் கூடியதே” என்று சொல்வதற்கு மாற்றமாக சக்தியை ஆக்கவோ, அழிக்கவோ முடியாது எனும் விஞ்ஞானி ஐன்ஸ்டீனின் Theory of Relativity யும் ஷிர்க்கின் பால் இட்டுச் சொல்லக் கூடியதே.மேலும் அல்லாஹ்வைத் தவிர உமக்கு யாதொரு பயனையும், தீமையையும் விளைவிக்காதவற்றை நீர் அழைக்க வேண்டாம். அவ்வாறு செய்வீராயின், அப்பொழுது நிச்சயமாக நீர் அநிநாயக்காரர்களில் ஒருவராக ஆகிவிடுவீர். அல்லாஹ் ஒரு தீமையை உமக்கு அடையச் செய்தால், அவனையன்றி அதனை நீக்குபவர்கள் (வேறு எவரும்) இல்லை. அவன் உமக்கு ஒரு நன்மையை நாடிவிட்டால், அவனது அருட்கொடையைத் தடுப்போர் எவருமில்லை. அவனது அடியார்களில், அவன் நாடியவருக்கே அதனை வழங்குகிறான். அவன் மிக்க மன்னிப்போனும், மிகக் கிருபையுடையோனுமாவான். (10 : 106,107)மேற்கண்ட வசனத்தில் இறைவன் அவனை தவிர வேறு யாரிடமும் பிராத்திக்காதீர்கள் என சொல்கிறான். ஆனால் நம் சமுதாயத்திலும் சிலர் இறைவனிடம் பிராத்திப்பதை போல் பெரியவர்களிடமும் அவுலியாக்களிடமும் பிராத்திக்கின்றனர். சிலர் ஏதேனும் துன்பம் ஏற்பட்டால் கூட யா அல்லாஹ் என்று கூட அழைக்காமல் யா முஹையதீனே என்றும் அழைக்க கூடியவர்களாக உள்ளனர். இது ஷிர்க்காகும். அது போல் அல்லாஹ் அல்லாதவர்களுக்கு நேர்ச்சை செய்தலும், தாயத்து கட்டுவதும் ஷிர்க் அல் அஸ்மா வஸ் சிஃபாத்தை சாரும்.அது போல் கப்ரு எனப்படும் சமாதி வழிபாட்டையும் அல்லாஹ்வின் தூதர் கடுமையாக கண்டித்துள்ளார்கள். அது எவ்வாறு வேதம் கொடுக்கப்பட்ட சமுதாயத்தில் உருவானது என்பதை பற்றி சொல்லும் போது “ கிறித்துவர்கள் அவர்களில் நல்லவர்கள் மரணித்து விட்டால் சமாதியின் மீது மஸ்ஜிதை கட்டி படங்களை உருவமைத்து விடுவார்கள். அத்தகையோரே அல்லாஹ்வின் படைப்புகளில் மிகக் கெட்டவர்கள் (ஆயிஷா (ரலி) – முஸ்லீம்). மேலும் சொன்னார்கள் “யா அல்லாஹ் ! என்னுடைய கப்ரை வணங்கப்படும் விக்ரகமாக ஆக்கி விடாதே ! தங்கள் நபிமார்களின் சமாதிகளை மஸ்ஜிதுகளாக எடுத்துக் கொண்டார்களோ அந்த சமூகத்தார் மீது அல்லாஹ்வின் கோபம் கடுமையாக இருக்கிறது” (அல்முஅத்தா) என்று கப்ர் வழிபாட்டை கண்டித்தார்கள். அது போல் ஜோதிடத்தை பற்றி கூறும் போது “எவர் ஜோதிடனிடம் வந்து அவன் கூறுபவற்றை உண்மைப்படுத்துகிறாரோ அவர் அல்லாஹ் இறக்கிய வேதத்தை நிராகரித்து விட்டார்” என்று கூறினார்கள் (அபூஹீரைரா (ரலி) – அபூதாவூத்).இது போல் ஷிர்க் அல் அஸ்மா வஸ் ஸிஃபாத்க்கு இட்டுச் செல்லும் மூடநம்பிக்கைகள் ஐரோப்பியாவிலும் உள்ளது. உதாரணத்திற்கு உப்பு என்பது எல்லா பொருட்களையும் கெடாமல் பாதுகாக்க கூடிய ஒன்றாக இருப்பதால் உப்பு தவறி விழுந்தால் துரதிருஷ்டம் தொடரும் என எண்ணி அதற்கு பரிகாரமாக சிந்திய உப்பை எடுத்து இடது தோளிற்கு மேல் வீசி எறிவர். கறுப்பு பூனைகளை பாதுகாப்பிற்காக வைத்துக் கொள்பவர்கள் கூட பூனை குறுக்கே போவதை அபசகுணமாக கருதுபவர்களாகவும் 13ம் எண்ணை துரதிருஷ்டமாக எண்ணுகின்றனர். கேரள சட்டசபை M.L.A. Hostel-ல் சமீப காலம் வரை 12ம் நம்பர் ரூமுக்கு அடுத்த ரூமுக்கு 13 என்று போடாமல் 12 B என்று தான் போடப்பட்டுள்ளது. அது போல் நாகரீகத்தின் உச்சாணிக்கொம்பில் இருப்பதாக சொல்லப்படும் அமெரிக்காவில் 1970-ல் அப்போலோ விண்கலம் விபத்திலிருந்து தப்பியது. அதற்கு அந்த விஞ்ஞானி சொன்ன இது போல் ஏற்படும் என நினைத்ததாக சொன்னதற்கு காரணம், விண்கலம் ஏவப்பட்ட நாள் 13ம் தேதி மற்றும் அன்றைய நாள் வெள்ளிக்கிழமை ஆகும். மேலும் ஏவப்பட்ட நேரம் மதியம் 1 மணி அதாவது 13 மணி. இந்த ஷிர்க்குக்கான மூடநம்பிக்கைக்கு வேர் கிறித்துவர்கள் ஈஸா (அலை) அவர்கள் வெள்ளிகிழமை அன்று சிலுவையில் அறையப்பட்டதாக நம்பினார்கள். மேலும் அவர்கள் சொல்லக் கூடிய இறுதி உணவு சம்பவத்தில் 12 சீடர்களுடன் 13வதாக வந்த யூதாஸ் காட்டி கொடுத்ததாக நம்புவதால் தான் வெள்ளிக்கிழமையையும் 13ம் எண்ணையும் துரதிருஷ்டமாக நம்பினார்கள். நமது பகுதிகளில் கூட வெள்ளிக்கிழமையும் பெருநாளும் ஒன்றாக வந்தால் பெரிய தலைவர்கள் மரணமடைவார்கள் என்ற நம்பிக்கை உள்ளது.அல்லாஹ் எங்கும் இருக்கிறான். தூணிலும் இருக்கிறான், துரும்பிலும் இருக்கிறான் என்று நம்புவது ஷிர்க் அல் அஸ்மா வஸ் சிஃபத்தை சாரும். ஹிந்துக்கள் பிரம்மன் எனும் தலையாய ஆத்மா எல்லா இடங்களிலும் இருப்பதாக கருதி கணக்கிலடங்காத சிலைகளையும், மனிதர்களையும் பிரம்மனின் உருவங்களாக கருதி வணங்கினார்கள். இந்த சிந்தனை முஸ்லீம் சமூகத்தில் ஊடுறுவிய போது அஹ்மது இப்னு ஹம்பல் போன்ற இமாம்கள் கடுமையாக எதிர்த்தார்கள். மன்சூர் அல் ஹஜ்ஜாஜ், இப்னு அரபி போன்றோர் இச்சிந்தனையின் உச்சகட்டமாக “ அல்லாஹ்வும் நானும் ஒன்றே” என்று கூற தலைப்பட்டனர். தற்போது நமது நாட்டில் இறைவனின் அவதாரமாக தங்களை கருதிக் கொள்ளும் பங்காரு அடிகளார், சாய்பாபா, நாராயண அம்மா, அமிர்தனாந்தாயி போன்றோர் இவ்வகையை சார்ந்தவர்கள். அது போல் இறைவனின் இருப்பிடம் அர்ஷ் என்பதாக அல்லாஹ் சொல்லிக் காட்டுகிறான். இமாம் அபூ ஹனீபா அவர்கள் இது குறித்து அல்லாஹ் வானத்தின் மேல் இருக்கிறானா ?, பூமியின் மேல் இருக்கிறானா? என்று தெரியாத ஒருவன் நம்பிக்கை இழந்து விட்டான் என்றார்கள்.